ILOILO CITY – Nangin panata na sang isa ka pamilya nga magtambong sa misa kadungan sang fiesta ni Nuestra Señora dela Candelaria sa tagsa ka Pebrero 2.
Sa Good Morning Philippines program, ginpahayag ni Arceli Gabutin sang Brgy. Gustilo, La Paz, Iloilo City, nga humalin sang siya ang high school tubtub subong nga may yara na siya sang apo, naandan na sang iya pamilya nga magsimba sa tagsa ka fiesta sa distrito sang Jaro.
Suno kay Gabutin, ginapangamuyo niya kay Nuestra Señora dela Candelaria nga mangin maayo ang ila pagpangabuhi kag agud nga magpasalamat sa tanan grasya nga nabaton.
Magluwas sa pagtambong sa misa, nagabakal man ang natungdan sang perdon nga iya ginasindihan sa tion sang semana santa kag sa tion nga magpangamuyo sa ila balay.
