Ang asin ang isa sa pinakabantog nga panakot sa nanuhay-tuhay nga linuto.
Apang natestingan mo man bala ini nga simhutan?
Suno kay Dr. Alan Carter, clinical pharmacist sa Estados Unidos, aprubado sang Food and Drug Administration (FDA) ang pagsimhut sang asin agud ma-revive ang isa ka indibidwal nga nadulaan sang pangalibutan.
Ini bangud ang baho sang asin ang nagabulig paggwa sang ammonia gas nga nagapakatol sang nasal kag lung membranes kag naga-restore sang senses sang isa ka indibidwal.
Naga-increase man ang respiration kag heart rate sang isa ka indibidwal kun makasimhot ini sang baho sang asin rason nga nagabalik ang consciousness.
Nakaandan naman sang professional athletes ang pagsimhut sang asin antes ang iya hampang ukon training agud mapasanyog ang ila nga performance.
Pahayag sang doktor, ang baho sang asin ang nagahatag sang placebo effect nga nagaresulta sa pagtaas sang kumpyansa rason nga nagabulig ini sa pagsangkad sang performance sang isa ka atleta.
Wala sang side-effects ang long-term ukon short-term use sang pagsimhut sang asin.
Apang suno sa eksperto, nagakadapat nga indi tuman kalapit sa ilong kun magsimhut sang asin agud malikawan man ang pagkaguba sang nasal membranes.
