Iloilo – Ginalauman ni San Enrique Mayor kag Presidente sang League of Municipalities of the Philippines Trixie Fernandez nga mayoriya sa mga alkalde sa probinsya sang Iloilo ang magatambong sa ginpatawag nga pagsinapol ni Iloilo Governor Arthur Defensor Jr., sa Huwebes, Marso 9.
Sa sulat nga ginpadala ni Gov. Defensor kay Mayor Fernandez, nasaad nga luyag sini mahibaluan sang tanan nga alkalde ang security situtation sa probinsya.
Sa interview sang Bombo Radyo kay Mayor Fernandez, iya ginpahayag nga ang pagpatawag sang gobernador sang pagsinapol ang timely gid bangud may bag-o nga director ang Iloilo Police Provincial Office.
Nahibaluan nga mangin dinapit nga bisita si Iloilo Police Provincial Office Director Police Colonel Ronaldo Palomo kag posible nga yara man si Police Regional Office 6 Director PBGen. Leo Francisco
Samtang, nagapati si Mayor Fernandez nga wala sang culture of violence ang probinsya sang Iloilo.
Posible pahayag niya nga nagakabalaka man ang gobernador sa natabo nga pagpatay kay Negros Oriental Gov. Roel Degamo.
Apang magluwas sa security situation nga maistoryahan, dugang sang alkalde, posible nga may iban man nga mga concerns ang mga local officials sa mga kapulisan.
