Ginkumpirma sang Philippine Coast Guard (PCG) nga naangot sa pag-launch sang Long March 12 rocket sang China ang aso kag ang serye sang pagsinigabong nga nabatian sa Palawan kagab-i, Agusto 4.
“Upon immediate verification, a visible condensation trail was observed in the sky, consistent with rocket exhaust or propulsion,” kabahin sang statement sang PCG.
Kagab-i, nagpaguwa man sang pahayag ang Philippine Space Agency (PhilSA) nga nagahatag sang kumpirmasyon sa pagpalupad sang Beijing sang Long March 12 rocket halin sa Hainan International Commercial Launch Center sa Wenchang, Hainan sang 6:21 p.m.
“Expected debris from the rocket launch was projected to have fallen within the identified drop zones approximately 21 NM away from Puerto Princesa, Palawan and 18 NM away from Tubbataha Reef Natural Park,” suno sa PhilSA.
Pahayag naman sang PCG, wala sang “immediate threats” nga na-report kaangot sa safety ukon navigation, apang dugang sini, padayunon sini ang paghatag sang prayoridad sa maritime safety kag environmental protection sa kadagatan sang Pilipinas.
Pareho nga nagpahanumdom ang PhilSa kag ang PCG sa publiko nga magpabilin nga alerto kag maghalong.
“While not projected to fall on land features or inhabited areas, falling debris poses danger and potential risk to ships, aircraft, fishing boats, and other vessels that will pass through the drop zone. There is also a possibility for the debris to float around the area and wash toward nearby coasts,” suno sa PhilSA.
“Mariners and the public are advised to remain vigilant and report any sightings of potential debris to local PCG stations,” dugang sang PCG.#
