Gin-umpisahan na subong nga gab-i, Septyembre 23, ang pagsirado sa half lane sang Jalandoni Flyover para sa himuon nga major repair.
Kahapon, Setyembre 22, kuntani ang inisyal nga schedule sini apang wala nadayon bangod sang malain nga tyempo.
Sa interview sang Bombo Radyo kay Ret. Police Col. Uldarico Garbanzos, head sang Iloilo City Traffic and Transportation Management Office (TTMO), iya ginpahayag nga ang gina-una sa pagkay-o amo ang left side sang flyover (kun ang motorista ang halin sa City Proper pakadto sa Molo).
Ginpahayag man sini nga ini na ang second phase sang rehabilitation nga magalawig tubtub sa ikatatlo nga semana sang Disyembre.
Sa first phase sang rehabilitation, gin-hugot lang ang mga bolts kag ginpintahan. Gindugang pa sini nga may mga plano naman sila kag na-present naman sa committee chair para sa approval.
Nagahingyo man ini nga dapat dalion ang pag-obra kag kun pwede pa nga tubtub sa gab-i ukon mag extend ang ila pag-obra ilabi na bangud ber months na kag nagadamo ang mga salakyan sa siyudad.
Naghatag man ang opisina sang advisory sa mga motorista nga kon mahimo, likawan ang dalan General Luna kag mangita nalang anay sang alternate routes.
