ILOILO CITY – As soon as possible ang ultimatum nga ginmandu ni Police Regional Office 6 Director Brigadier Gen. Rene Pamuspusan sa Iloilo City Police Office agud solbaron ang natabo nga pagpangluthang-patay sa Brgy. Sto. Niño Sur, Arevalo, Iloilo City.
Matandaan nga ang biktima ang ginkilala nga si Luduvico Araneta, 51 anyos nga anay drug surrenderee kag sang natabo ang krimen kagab-i, Setyembre 2, yara ini sa sulod sang iya balay.
Sa interview sang Bombo Radyo kay Police Lt. Col. Joem Malong, spokesperson sang Police Regional Office 6, iya ginpahayag nga wala sang fixed date nga ginhatag si BGen. Pamuspusan bangud nga indi man madali-dali ang pagpatigayon sang imbestigasyon.
Suno kay Malong, daku ang mabulig kun tani sang kuha sang Close Circuit Television Camera kag mga witness agud nga mapadali ang pagsolbar sang kaso.
May kaangtanan diri, indi man mahinago suno kay Malong nga kadam-an sang riding-in-tandem incidents sa syudad sang Iloilo ang nadagdag na lang sa cold cases bangud sa kakulang sang ebidensya kag ang Criminal Investigation and Detection Group na ang naga-uyat sang kaso.
May kaangtanan diri, indi man mahinago suno kay Malong nga kadam-an sang riding-in-tandem incidents sa syudad sang Iloilo ang nadagdag na lang sa cold cases bangud sa kakulang sang ebidensya kag ang Criminal Investigation and Detection Group na ang naga-uyat sang kaso.
