ILOILO CITY- Ginpaathag sang Iloilo City Engineer’s Office kun ngaa nangin mabudlay para sa ila ang pagpa- subside sang tubig- baha sa syudad sa kada tion nga mag-ulan.
Sa interview sang Bombo Radyo kay Mr. Joel Gerasmia, Electrical Inspector II sang City Engineer’s Office, iya ginpahayag nga isa ka mayor nga rason amo ang pagsugat-anay sang baha kag taob.
Suno kay Gerasmia, indi makailig ang baha bangud sa taob kun sa diin nagasugata ang tubig-dagat ukon ang tubig nga halin sa suba.
Kahapon, pila sa mga lugar nga tuman nga apektado sang baha amo ang La Paz kag Iloilo City Proper partikular sa Iloilo Terminal Market ukon Super bangud malapit ini sa dagat.
