ILOILO – Kinahanglan nga magsuksok sang face mask ang mga driver sang Public Ulitity Vehicle.
Ini ang kaundan sang memorandum circular 2020-005 nga ginpaguwa sang Land Transportation Franchising and Regulatory Board bilang bulig sa pagtapna sang Novel Coronavirus.
Sa interview sang Bombo Radyo kay Land Transportation Franchising and Regulatory Board 6 Director Richard Osmeña, iya ginpahayag nga kinahanglan nga magsuksok sang face mask ang mga driver agud nga indi malatnan sang virus.
Magluwas diri, ginpahayag man ni Osmeña nga ang tagsa ka terminal operator ang kinahanglan nga magpatuman sang proper sanitation ukon katinlo paagi sa paghatag sang disinfectant, sanitizers kag face mask sa mga pasahero.
Ginpahayag ni Osmeña nga apisar wala nakasaad sa memorandum circular nga may yara sang penalty para sa mga indi magsunod sa nasambit nga mandu apang mas makapaayo kun sundon na lang ang pagsuksok sang face mask kag ang pagbutang sang disinfectant kag sanitizers sa kamot.
