ILOILO CITY – Temporaryo lang ang mando sang National Inter-Agency Task Force nga pagsuksok sang face shield kag face mask kag posible nga magbag-o pagkatapos sang Disyembre.
Sa interview sang Bombo Radyo kay Jeck Conlu, ang spokesperson sang COVID-19 team sang Iloilo City Government, iya ginpahayag nga apisar may pagsulundan sa National Government, may yara man ang syudad sang Iloilo sang local ordinance sa diin wala man sang penalidad kun indi magsuksok ang pumuluyo sang face shield.
Apang ginpahayag ni Conlu nga mas maayo kun sundon ang mando sang National Inter-Agency Task Force nga magsuksok sang face shield kag face mask para sa seguridad sang tanan batok sa COVID-19.
Pahayag ni Conlu, agud wala sang pangduha-duha may kaangtanan sa national ordinance kag local ordinace, magapadala sila sang mga kasulatan ukon memorandum sa mga establisyemento komersyal sa syudad sang Iloilo.
