ILOILO CITY- Pasado na sa Iloilo City Council ang pagsulod sang Iloilo City Government sa Memorandum of Agreement kaupod ang National Commission for Culture and the Arts kag National Museum of the Philippines may kaangtanan sa restoration sang Fort San Pedro.
Sa interview sang Bombo Radyo Iloilo kay Councilor Rudolph Ganzon, chairman sang Committee on Tourism, Culture and Historical Affairs iya ginpahayag nga kabahin sa phase 1 sang restoration ang pag-excavate sa idalom sang estatwa sa katuyuan nga ibalik ang orihinal nga itsura sini antes pa man ang gyera.
Suno kay Ganzon, yara sa ₱4 million ang budget para sa phase 1 sang nasambit nga restoration.
Wala naman sang ihatag nga financial assistance ang siyudad sa pamilya nga nagaplastar sa lugar sa masobra 60 ka tuig.
Nahibaluan nga may yara sang inisyal nga 6 ka test pits nga i-plastar sa lugar nga may area nga 8.00 m x 5.00 m kag nagataas sang 3.00 meters.
Pagatawgon ang lugar bilang “Fuerza de la Nuestra Señora del Rosario” sa tion nga ini ang mahuman na.
