Ginbuyagyag ni Presidente Ferdinand Marcos Jr nga ginsipa sa puwesto si General Nicholas Torre bilang PNP Chief bangud sa pagsupak sini sa direktiba halin sa National Police Commission (NAPOLCOM).
Ginpahayag ni Marcos nga wala ginasunod ni Torre ang NAPOLCOM kun sa diin indi ini kumporme sa pila ka direktiba.
Dugang pa sang Presidente nga sang maistorya sini si Torre, ginpahayag niya nga may chain of command nga indi basta-basta mabalewala.
Diri ginsiling niya kay Torre nga kakason niya ini sa puwesto kun sa diin ang sabat sang anay PNP chief amo nga wala na siya sang mahimo.
Nagapati ang presidente nga maayo nga pulis si Torre bangud ginaprotektahan niya ang iya nga mga tinawo.
Ginpanginwala man sang president ang isyu nga nadulaan ini sang pagsalig kay Torre rason nga ginsipa niya ini sa pwesto.
