Imbestigaran sang Sangguniang Panlalawigan sang Iloilo ang hinali nga pagtaas sang balayran sa kuryente sa probinsya.
Sa privilege speech ni 2nd District Board Member Rolito Cajilig nga may tig-ulo, “Rising Electricity Rates and Their Impact on Iloilo Residents,” ginpahayag sini nga makalaarma ang pagtaas sang suktanay sa kuryente.
Suno sa iya, kinahanglan maathagan ang pumuluyo bangud sila ang pinakaapektado.
Nahibaluan nga ang presyo sang kuryente ang yara na sa P16.31/kwh sa ILECO 1; P14.49/kwh sa ILECO II; kag P11.84/kwh naman sa ILECO III.
Pangunahan naman sang Committee on Communication and Public Utilities ang imbestigasyon paagi sa isa ka joint committee hearing nga pagaupdan sang Comittee on Transportation kag Committee on Barangay Affairs.
