ILOILO CITY – Lauman pa sang mga motorista ang liwat nga pagsaka sang presyo sang gatung sa masunod nga semana bangud sang pagmahal sini sa global market kag pagnubo sang baylo sang piso kontra sa US dollar.
Suno kay Department of Energy Undersecretary Gerardo Erguiza, may gamay nga pagtaas sa presyo sa global market.
Kung updon ini sa pagtaas sang dolyar, lauman man ang pagtaas sang presyo sang gatung.
Ginpaathag ni Erguiza nga may yara sang madamo nga rason sa pagtaas sang presyo sang gatung.
Ang Pilipinas ang nagasalig lamang sang produktong petrolyo sa world market kag ang manubo nga currency ang makatuga man sa pagmahal sang oil imports.
Nangin epektibo sang Martes ang panibag-o nga pagsaka sa presyo sang produktong-petrolyo.
Ini ang ikapaat nga sunod-sunod nga semana nga may saka sa presyo sang gasolina, kag ika-lima nga asud-asud nga semana para sa diesel kag kerosene.
Gasolina – nagsaka sang P0.50
Diesel- nagsaka sang P1.65
Kerosene- nagsaka sang P0.10.
Yari naman ang net increase ukon ang ginsaka sa presyo sang produktong-petrolyo halin sa una nga bahin sang Enero tubtub sa price hike subong nga adlaw:
Gasolina – P30.00 per liter
Diesel – P45.90 per liter
Kerosene – P39.75 per liter
