Ginkumpirma sang mga pulis sa Antipolo City nga ang ang kamatayon sang Grade 5 student nga si Francis Jay Gumikib ang wala sang kahilabtanan sa gin-alegar pagtampa sa iya sang iya nga manunudlo.
Suno kay Pol. Lt. Col. Ryan Manongdo, officer-in-charge sang Antipolo City Police Office, base ini sa interpretasyon sang forensic unit sang Rizal halin sa resulta sa autopsy sa bangkay sang bata.
Ginpahayag man sini nga may case conference na nga ginpatigayon kahapon sang hapon kag napaathag na sa pamilya sang bata ang resulta sang autopsy.
Buot silingon, wala na sang salabton ang manunudlo sa panumbungon nga homicide apang posible gihapon nga may ipasaka nga kaso nga child abuse batok sa iya.
Una na nga ginpahayag sang Philippine National Police Forensic Group nga may yara sang “rare condition” nga rason sang pagdugo sang utok sang bata.
Sunod nga ginpaathag nga ini amo ang “intracerebral hemorrhage and edema” nga kun sa layman’s term suno sa medicolegal office, nagatumod sa pagbanog kag pagdugo sang utok.
Sa kaso ni Gumikib, base sa CT scan, ang hemorrhage ang naghalin gid sa pinakasulod nga bahin sang utok.
Suno sa Brain Injury Association of the America, ang ini nga non-traumatic brain injuries ang mahimo tuga sang internal factors kaangay sang kakulang sang oxygen, exposure sa toxins, kag pressure halin sa tumor.
Ginahulat pa sang Antipolo City Police kun may ipasaka nga reklamo nga child abuse ang pamilya batok sa manunudlo sa Peñafrancia Elementary School.
May yara man sang gintukod ang Department of Education Schools Division Office nga fact-finding investigation team agud magtutok sa amo nga insidente.
