ILOILO – Nagapadayon ang programa sang Department of Environment and Natural Resources sa pagtanom sang mga kahoy sa kabukiran sang Probinsya sang Iloilo.
Sa interview sang Bombo Radyo kay Forester Rene Abordo, Officer In Charge sang Community Environment and Natural Resources Office sang Sara, Iloilo, iya ginpahayag nga padayon ang national greening activity sang Department of Environment and Natural Resources (DENR) sa mga kabanwahanan sang Iloilo.
Nagpanguna diri suno kay Abordo sa pagpananom sang kahoy sa kabukiran, amo ang Sara, Iloilo sa diin ginsundan sang Lemery kag Barotac Viejo, Iloilo.
May yara man sang ginapatigayon nga bamboo planting nga ginasuguran na subong tubtob sa masunod nga tuig.
Pahayag ni Abordo nga 1,092 hectares sang kabukiran ang ila nga target nga tanuman sa bilog nga 5th District sang Iloilo.
Magluwas diri, nagalaum man ang natungdan nga madugangan pa ang heaktarya sa kabukiran nga ila matamanan sa masunod nga tuig.
