ILOILO CITY – Madamu sang maayo nga epekto ang pagtanum sang kahoy.
Sa interview sang Bombo Radyo kay Raul Lorilla, Iloilo Provincial Environment and Natural Resources Officer sang Department of Environment and Natural Resources (DENR), iya ginpahayag nga ang kahoy ang nagapanami sang palibot, nagapabuhin sang carbon dioxide emission, nagatapna sang pagkatiphag sang duta kag nagapahagan-hagan sang epekto sang climate change.
Ang Massive Tree-Planting Activity nga ginpatigayon sang Iloilo City Government suno kay Lorilla ang makapaayo sa syudad sang Iloilo.
Ini bangud nga suno kay Lorilla, ang syudad sang Iloilo ang isa sa mga lugar nga masami nga ginabisita sang madamu nga turista kag nagabulig sa pagpa-uswag sang ekonomiya.
Ginpahayag ni Lorilla nga lakip sa mga kahoy nga ginpangtanom sa coastal kag circumferential road sa Brgy. Buhang, Jaro, Iloilo City amo ang mga flowering, fruit-bearing kag ornamental trees.
