MANILA – Ginahingyo sang Philippine Chamber of Commerce and Industry sa property firms nga magtanyag sang rent relief sa small, medium and micro enterprises (MSMEs) bangud sa COVID-19 pandemic.
Suno sa Philippine Chamber of Commerce and Industry, ang MSMEs nga nagabug-os sa 99 percent sang negosyo kag 66 percent sang total employment, amo ang lubos nga naapektuhan.
Ginpahayag ni PCCI president Benedicto Yujuico nga kalabanan sa magagmay nga negosyo ang nagsirado matapos namiyerdihan bangud sa low consumer confidence.
Bangud sini, ginapanugyanan ang management sang malls kag commercial buildings nga magpangita sang paagi agud nga indi magsirado ang ila mga tenant.
