ILOILO – Mangin kabahin na sang prayoridad ni Iloilo Police Provincial Office Director Police Col. Roland Vilela ang pagdakop sa mga naangot sa illegal gambling sa probinsya sang Iloilo.
Sa interview sang Bombo Radyo kay Vilela, iya ginpahayag nga ang pagtapna sang tanan nga sahi sang krimen ang kabahin sang iya kampanya.
Suno kay Vilela, umpisa sang siya ang nagpamuno sa Iloilo Police Provincial Office, iya nga ginduso ang Relentless Police Operation.
Ginpahayag ni Vilela nga ang mga Chief of Police nga wala sang accomplishment ang iya nga iga-relieve sa pwesto bangud sa Dereliction of duty.
Imposible man suno sa Iloilo Police Provincial Office director nga bisan isa, wala gid sang accomplishment ang tagsa ka hepe sa probinsya sang Iloilo.
Tuhoy naman sa re-shuffling sang assignment, ginpahayag sang natungdan nga normal lamang ini sa ila trabaho bilang pulis.
