ILOILO CITY – Gin-ako sang nag Top 1 sa pasinawan para sa mga manunudlo sa Elementarya nga si Mary Clarence Gepes Madero sang Pavia, Iloilo nga nakibot ini sang mahibaluan nga siya ang nagpanguna sa bug-os nga pungsod.
Suno kay Madero, halin sang una, suportado gid siya sang iya pamilya apisar ginabansagan nga nerd sang iya mga classmates gani ginhimo gid sini ang tanan agud mabalikan ang suporta kag pagpalangga sang iya mga ginikanan kag mga kaabyanan.
Mensahe sini sa iban pa nga luyag mangin manunudlo, indi mag-untat sa paghandum kag padayunon ang pagpanikasog tungod malab-ot gid sang mga ini ang kadalag-an.
Si Madero ang produkto sang Pavia Pilot Elementary School, Pavia national high School, West Visayas State University College of education sa diin siya ang nangin Magna Cum Laude sa kurso nga Bachelor of Science in Education major in Special Education (SPED.).