Isa ka paglapas sa sub judice rule ang pagtawag ni Vice President Sara Duterte sa impeachment proceedings bilang “Sarswela” suno kay prosecution legal spokesperson, Atty. Benjamin Tolosa.
Suno kay Tolosa, matawag nga pag-atake sa integridad sang impeachment court ang pahayag ni Duterte ilabi na nga indi ini ang una nga tion nga ginkwestyon sini ang proseso sang trial.
Kabahin diri ang pagpati man sang bise presidente nga may ara sang gahum si President Ferdinand Marcos Jr., sa pila ka mga senator-judges.
Madumduman nga ginbuy-an ni Duterte ang pahayag sini nga “Sarswela” ang impeachment trial matapos sya nga ginpamangkut kun magatambong sya sa proceedings batok sa iya.
