SAN JOAQUIN, ILOILO – Mahimo nga ang ulihi nga mga pagtay-og nga nabatyagan sa San Joaquin, Iloilo ang aftershocks lamang sang asud-asud nga linog nga nabatyagan sang damlag lang.
Sa interview sang Bombo Radyo kay Dr. Jerry Bionat, pinuno sang Disaster Risk Reduction and Management Office, iya ginpahayag nga ang linog ang tuga sang active fault line sa Panay.
Suno kay Dr. Bionat, ang aftershocks amo ang paghulag sang duta kasunod sang largest shock kag ini ang mas mahina kun ipaanggid sa mainshock.
Ang swarm naman amo ang sequence sang small earthquakes nga wala sang identifiable mainshock kag nagatuhaw sa isa ka lugar lamang bangud sa geothermal activity.
May kaangtanan sa linog nga nabatygan sa banwa sang San Joaquin kag sa mga kaiping nga banwa, ginpahayag ni Dr. Bionat nga mahimo nga ini ang tuga sang West Panay fault kag Negros Trench nga pinakamalapit nga active subduction zone.
Kadungan sini, gin-athag man sang natungdan nga ang sentro sang linog ang ginatawag nga hypocenter ukon focus kun sa diin mas delikado ang shallow quakes kun ipaanggid sa linog nga may mas madalum nga focus.
