Pagtibusok sang eroplano sa Pakistan sang Mayo 22, ‘human error’ ang ginatudlo rason

PAKISTAN – Human error ang ginatudlo nga rason sang pagtibusok sang isa ka eroplano sa Pakistan sang nakaligad nga bulan sa diin 97 ka tawo ang napatay.

Suno kay Aviation Minister Ghulam Sarwar Khan, wala nasunod ang insakto nga protocol base sa iya pag-imbestigar sa kabangdanan sang pagtibusok sang eroplano.

Dugang pa sang natungdan, mahimo nga nadula ang focus sang piloto bangud wala man siya sang may nakita nga problema sa Airbus A320 sang Pakistan International Airlines.

Nahibaluan nga nagtibusok ang eroplano sa Karachi sang Mayo 22 sa diin nakaluwas ang duha ka mga pasahero.