Nagpaandam ang defense minister sang China nga makatuga sang ginamo kun iga-establisar ang alyansa sang militar sa Asia-Pacific nga daw kaangay sang North Atlantic Treaty Organization (NATO).
Ang NATO amo ang intergovernmental military alliance sa tunga sang 31 ka member states kun sa diin 29 ang European kag duha ang North American.
Suno kay Chinese Defense minister Li Shangfu, kun kaangay sa NATO ang ang alyansa sa Asia-Pacific, daw kaangay lang nga gina-kidnap ang regional countries.
“Attempts to push for NATO-like (alliances) in the Asia-Pacific is a way of kidnapping regional countries and exaggerating conflicts and confrontations,” suno kay Li sa security conference sa Singapore kun sa diin yara man si US Defense Secretary Lloyd Austin.
Ang komento sang opisyal ang kasunod sang tuman ka lapit nga paglayag sang military vessels sang Amerika kag China sa Taiwan Strait — isa ka insidente nga ginkaakig sang isa ka isa.
Wala sang ginpangalanan si Li apang ang iya komento ang gina-angot sa madugay na nga kritisismo sang China batok sa Amerika bangud sa military alliances sini sa Asia-Pacific.
Myembro ang Amerika sang AUKUS alliance kun sa diin yara man ang Australia kag Britain. Yara man ang US sa QUAD group kun sa diin yara ang Australia, India kag Japan.
“Today’s Asia-Pacific needs open and inclusive cooperation, not buddying up into small cliques. We must not forget the severe disasters brought by the two world wars to peoples of all countries, and we must not allow such tragic history to repeat itself,” pahayag pa ni Li sa amo nga summit. #
