ILOILO CITY – Indi na kinahanglan nga magtukod sang Anti-Dengue Task Force agud nga matapna ang pagduging sang Dengue Hemorrhagic Fever sa syudad sang Iloilo.
Ini ang panindugan ni Liga ng mga Barangay President Irene Ong kasunod sang privilege speech ni Iloilo City Councilor Candice Tupas nga nagaduso nga magtukod sang Anti-Dengue Task Force.
Sa interview sang Bombo Radyo kay Ong, iya ginpahayag nga bag-o pa man nagduging ang Dengue sa syudad sang Iloilo, may yara na sang mga lihok ang tagsa ka barangay council nga magpaninlo sa palibot.
Suno kay Ong, ang mga barangay officials, appointed officials kag mga volunteer ang nagabuligay sa pagpaninlo kag indi na kinhanglan nga magtukod sang dugang nga task force.
Gintawag naman sang natungdan nga ‘over due’ ukon madugay na nga problema sang syudad ang pagduging sang nasambit nga balati-an ilabi na sa tion nga mag-ulan.
