GUIMARAS – Indi mapangunahan sang Guimaras Provincial Government ang pagkumpirma sang posibilidad nga madayon ang pagtukod sang Iloilo-Guimaras-Negros Bridge.
Sa interview sang Bombo Radyo kay Governor Samuel Gumarin, iya gin-athag nga ang Local Government Unit ang nagahulat gid lamang sang “go-signal” ukon mandu sang national government nga amo ang nagadesisyon sa infrastructure project.
Suno kay Gumarin, wala siya sang ikasarang sa pagpasalig bangud apisar napirmahan na ang feasiblity study apang wala pa ini sang pondo.
Nahibaluan nga nagguwa ang mandu nga ginabasura ang plano nga pagpatukod sang mga taytay sa Luzon, Visayas kag Mindanao kag ginakahangaw-an nga maatrasar man ang Iloilo-Guimaras-Negros Bridge.
