ILOILO CITY- Natapos na ang feasibility study sa Iloilo- Guimaras- Negros Bridge, ang pinakadako na infrastructure project sa idalom sang Duterte Administration.
Sa interview sang Bombo Radyo kay Secretary Mark Villar sang Department of Public Works and Highways, iya ginpahayag nga sa subong, ginanegosyar na ang loan para sa ginabanta P180B nga balor sang proyekto apang ginatinguhaan pa nga mabuhinan ang costing.
Suno kay Villar, ginakumparar na sa subong ang financing offers sang China kag Korea.
Ginlaragway naman ni Villar nga yara na sa advanced state ang proyekto kun planning sini ang istoryahan.
Gindugang naman sang tiglikom nga piliton nila maumpisahan na ang nasambit nga proyekto sa masunod nga tuig.
