Ginaduso ni Commission on Elections (Comelec) Commissioner George Garcia nga tukuron ang task force batok sa fake news.
Suno kay Garcia, iga-propose niya ini sa Comelec en Banc subong nga semana.
Ini bangud sa iya, nagaduging ang sala nga impormasyon sa social media.
Pila diri ang nagasiling nga tapos na ang eleksyon, na-shade na ang balota, kag may mga nakaboto na nga daan antes pa man ang May 2022 elections.
Importante suno sa komisyoner nga maaktuhan ini agud indi madagtaan ang integridad sang eleksyon.
Sang nagligad nga semana, nagtukod man ang COMELEC sang Task Force Kontra Bigay nga nagatuyo naman nga tapnaon ang vote-buying.
