Sa tion sang imo pagtulog, mas pabor ka bala nga nagasiga ang imo suga ukon lampara?
Sa isa ka pagtuon nga gin-publish sang 2014 sa ‘The Journal of Clinical Endocrinology and Metabolism,’ napamatud-an nga ang ‘LIGHT’ ukon kasanag ang isa sa pinaka-importante nga factor kag may madalom nga impact sa pag-angkon sang kalidad nga tulog.
Natukiban sa pagtuon nga kun present ang light source ukon may nagasiga nga suga sa tion sang pagtulog, tuman ka apektado ang circadian rhythm sang lawas — isa ka biological mechanism nga naga-regulate sang cycle sa pagtulog kag pagbugtaw.
Bangud diri, ginarekomenda ang pagtulog sa ‘complete pitch darkness’ bangud ang tuman kadulom nga palibot ang naga-send sa lawas sang signal sa utok nga oras na sa pagpahuway.
Diri kag naga-produce ang utok sang hormone nga melatonin nga nagaresulta sang pagkatuyo, muscle relaxation, kag pagnubo sang body temperature.
Bangud man sini, naganubo ang risgo sa pag-angkon sang isa ka indibidwal sang depression kag metabolic disorder.
Napamatud-an man nga ang mga ginatawag nga “night owls” ukon mahilig magpulaw kun gab-i kag exposed sa suga ukon light ang tuman ka vulnerable sa pag-angkon sang muscle loss, diabetes kag metabolic syndrome, ilabi na ang mga tawo nga masami kulang ang tulog.
