May yara bala sang malain ukon maayo nga dulot ang indi pagsuksok sang underwear sa mga babaye sa pagtulog?
May mga estilo sang pagtulog ang mga babaye — una diri amo mga nagasuksok sang pajama kag ang ika-duha naman amo ang mga wala nagasuksok sang underwear.
Suno kay Nancy Herta, M.D OB-GYN sa Michigan State University, mas maayo nga indi magsuksok sang underwear ang mga babaye agud malikawan ang mga vaginal issues.
Ang vagina ang madasig nga tapikan sang moisture kag ini nagakabalabagan sang underwear nga nangin rason sang pagdamo sang mga bad bacteria sa lawas nga nagatuga sang balatian.
Gani nagabulig ang indi pagsuksok sang underwear agud nga makahatag sang ligwa nga makasulod ang hangin nga nagapamala kag nagapatinlo sa pribado nga parte sang lawas sang mga babaye.
Ginpaboran naman ini ni Pari Ghodsi, isa ka board certified OB-GYN sa diin kun masami naga-eksperyensya sang yeast infection, makabulig gid ang indi pagsuksok sang underwear kun magtulog.
Sa isa naman ka separado nga pagtuon, ang pagtulog nga wala sang underwear ang makabulig sa pagbuhin sang bug-at. Ang pagpabilin nga nagakatugnawan ang imo lawas nga nagabulig sa pag-boost sang imo nga calorie-burning abilities.
Apang kun luyag mo gid magsuksok sang underwear, siguraduhon nga loose cotton pajama ang imo nga suksok.
Panugyan ni Ghodsi sa mga wala naanad nga wala sang suksok nga underwear, pilion ang loose-fitting cotton underwear bangud nagabulig ini sa pagsuyop sang moisture agud nga indi magtipon.
Ang silk kag lace nga mga underwear ang mahimo nga makairita pa sa imo nga panit kag sa vagina.
