Pagtulog sang lapsag nagakadapat nga nagakaya kag indi nga nagahapa agud malikawan ang Sudden Infant Death Syndrome

Atensyon sa mga ginikanan.

Di bala manami sa pamatyag kun mapatulog mo sang maayo si baby?

Ang una nga bulan ang importante kun posisyon sang pagtulog sa mga lapsag ang pagahambalan.

Santu sa pagtuon sang The Asian Parent Philippines, nagakadapat nga flat ang kama nga ginahigdaan sang lapsag sa diin kinahanglan nga wala sang bumper pads bangud mahimo ini nga mangin rason sang ‘suffocation’.

Patulugon si baby nga nagakaya kag indi pagpabay-an nga nagahapa lamang.

Kinahanglan man nga ang katre sang bata ang yara sa kwarto sang mga ginikanan apang indi nagakadapat nga updon ini sa pagtulog sa kama.

Likawan man nga may mga pagkabutang nga nagalapta sa higdaan ukon kama sang bata.

Ang lugar nga ginatulugan sang bata ang kinahanglan nga hilway sa ano man nga aksidente.

Panugyan sang mga eksperto, bantayan sang maayo ang mga bata ilabi na sa tion sang ila nga pagtulog bangud ang pagtulog sang nakahapa ang mahimo nga mangin resulta sang sudden infant death syndrome (SIDS).