Sa madamo nga problema sa kalibutan, lakip na ang pandemya, nagayuhom ka pa bala?
Ang imo nga matahum nga yuhom gina tago-tago mo lang bala dira?
Sa pagpili nga magyuhom sa pagbugtaw kag pagtakop sang adlaw, nakahibalo ka bala nga naga-healthy ka?
Suno kay Isha Gupta, M.D., neurology specialist sa New York, may yara sang madamo nga health benefits sa ikaayong lawas ilabi na sa pag-angkon sang positibo nga mindset kag mood sang isa ka tawo ang pagsuksuk sang best outfit kag amo ina ang smile ukon ang pagyuhom.
Ang pagpili sang isa ka tawo nga magyuhom ukon pag-smile sang masami, ang nagapaguwa sang dopamine nga nagahatag sang “feelings of happiness kag positive outlook” kag serotonin nga naga boost sang immune system kag nagabulig sa tawo nga makalikaw sa mga masakit.
Sa simple nga pag-smile ukon pagyuhom sang isa ka-tawo, madamo na sang masakit ang malikawan kag nagahatag pa sang positibo nga disposisyon kag makapangabuhi sang matawhay kag malipayon.
