Posible nga nabatyagan sang defense team nga nadiskartehan sila sang prosekusyon suno mismo kay House Prosecutor Rep. Joel Chua.
Ini matapos nga ginbasura sang prosekusyon ang tatlo ka articles of impeachment sa Ika-39 nga adlaw sang impeachment trial batok kay Vice President Sara Duterte.
Pahayag ni Chua, antes pa matapos ang ila presentasyon sa Article II ukon article may kaangtanan sa ginaalegar unexplained wealth ni VP Sara, yara na gid sa plano ang pag-withdraw sang nasambit nga mga article.
Ginpakigbahin man niya nga nabasa na nila ang plano sang kampo ni Duterte nga palawigon ang trial tubtob sa masunod nga tuig agud madulaan na sang gana ang publiko nga nangin rason man sang ila withdrawal sang tatlo ka article sang articles of impeachment.
