ILOILO CITY – Maapektuhan gid ang palangabuhi-an sang mga nagatrabaho sa carwash establishments sa tion nga pauntaton sang gobyerno ang operasyon sini.
Ini ang kasunod sang pahayag ni National Water and Resources Board executive director Sevillo David Jr. nga ginakonsiderar sang gobyerno ang pagpauntat sang operasyon sang mga carwash establishments kag dumili-an ang paggamit sang swimming pools agud nga mahagan-hagan ang demand sang tubig subong nga nagsugod na ang dry season.
Sa interview sang Bombo Radyo kay Alyas Inday, in-charge sang operasyon sang carwash establishment sa Mandurriao, Iloilo, iya ginpahayag nga ang mga trabahador sa ila ang nagikan pa sa probinsya sang Iloilo kag wala sang palangitan-an sa uma.
Dugang pa niya, agud nga indi madali nga maubos ang tubig, ginasigurado nila nga indi mauyangan ang tubig.
Bilang pagpanghanda, may yara sang duha ka bubon ang carwash establishment.
Nagpanugyan si Alyas Inday sa publiko nga indi pag-uyangan ang tubig subong nga tuman ka init nga tyempo.
