Palarong Pambansa 2018: Atleta sang Region 6, na-break ang record sa Javelin Throw

ILOILO CITY – Naghimo sang bag-o nga record sa Javelin Throw sa Palarong Pambansa 2018 ang atleta sang Western Visayas.
Naagaw ni Anne Catherine Quitoy sang Negros Occidental ang record gikan kay Sylvian Abunda sang Northern Mindanao nga 42.85 meters nga nahimo sini sang Palarong Pambansa 2017.
Ang bag-o nga record nga nahimo ni Quitoy amo ang 45.72 meters.
Sa interview sang Bombo Radyo Iloilo, ginpahayag ni Quitoy nga malipayon ini nga nakuha ang bulawan nga medalya kag nangin record-breaker pa.
Nahibaluan nga nangin silver medalist lang sa Palarong Pambansa si Quitoy sang nagligad nga tuig.
Sa pihak sini, handum gihapon sang atleta sang Western Visayas nga labi pa malapawan ang iya ginpakita nga performance subong nga tuig.