CEBU CITY – Ginpasigurado sang pamunuan sang Palarong Pambansa nga ginatutukan nila ang medical condition sang kada atleta.
Sa interview sang Bombo Radyo kay Dr. Rhoel Dejaño, pinuno sang Medical Team sang Palarong Pambansa 2024, iya ginpahayag nga humalin sang nag-umpisa ang mga hinampang kahapon partikular sa athletics, wala sila sang narekord nga dalagko nga mga insidente.
Suno kay Dejaño, kalabanan sa mga ginabatyag sang mga players amo ang pagbiring, paghapo, kag muscle cramps.
Kun indi na masarangan sang isa ka players ang iya ginabatyag, may yara man suno sa natungdan sang infirmary agud mahatagan ang mga ini sang medical attention.
Sa umpisa tubtob sa katapusan sang hinampang, may yara suno sa natungdan sang mga doctor kag physical therapist nga naka-stand by agud maghatag sang bulig sa mga atleta.
