Magasugod na subong nga adlaw ang Palarong Pambansa 2026 nga pagahiwatun sa Agusan del Sur halin Mayo 24 tubtob Mayo 31.
Lakip sa mga magapartisipar amo ang masobra 13,000 ka mga atleta, coach, kag iban pa nga delagado halin sa nagkalain-lain nga rehiyon sa bilog nga pungsod.
Kabahin sa mga lugar nga pagahiwatun ang pila ka mga sports event amo ang Bayugan City para sa badminton, chess, taekwondo, wrestling, kag iban pa; Samtang, lugar na man sang Prosperidad ang maga-host sa mga major events kaangay sang athletics, football, swimming, volleyball, kag basketball.
Madamo man ang nagabantay sa National Capital Region team matapos ini na ang 18 straight times nga overall champion sang Palaro.
Madumduman nga nagpartisipar man ang Western Visayas nga may ara sang masobra 700 delagates nga nagalaum man nga makadala pauli sang madamo nga mga medalya.
