ILOILO CITY – Tuman ang kalipay nga nabatyagan sang isa ka Ilongga beauty queen kag modelo nga si Alexie Mae Caimoso Brooks matapos makuha ang bulawan nga medalya sa high jump secondary girls sa nagapadayon nga Palarong Pambansa 2017 sa probinsya sang Antique.
Ginpahayag ni Brooks sa Bombo Radyo, sa iya pagdaog, una sini nga ginpasalamatan ang Diyos bangud sa kabakod nga ginhatag sa iya.
Una na nga ginpahayag ni Brooks sa Bombo Radyo Iloilo nga luyag sini pamatud-an nga mahimo sini nga idungan ang pagtuon, paghampang sang high jump, modelling kag pagka-beauty queen.
Sa interview sang Bombo Radyo sa Fil-Am beauty, apisar masami ini nga naga-training sa high jump, masarangan sini nga balansehon ang iya pagtuon, pamatuod ang pagka-honor student sini.
Si Alexie ang ginkoronahan bilang Mutya ng Buga 2013, Miss Buga 2015 kag nangin tiglawas sang Leon, Iloilo sa Miss Teen Iloilo 2016.
Nahibaluan nga si Brooks ang naghalin sa isa ka broken family sa diin ang pagpasakop sa Palaro ang nakita sini nga palaagyan agud makilala ang amay sini nga isa ka Black American nga wala sini makita humalin sang ini ang ginbun-ag.