Palarong Pambansa: Ilonggo athlete nga Yolanda survivor, na-break ang record javelin throw

ILOILO CITY – Na-break sang taga-Western Visayas ang record sa Palarong Pambansa sa Javelin Throw.

Nalapawan ni James Losañes sang Binuluangan, Carles, Iloilo kag estudyante sang Estancia National High School, ang standing record sa Javelin Throw Secondary Boys nga 57.16 meters sang Palaro 2013 sa diin kadungan sang pagkuha niya sang bulawan nga medalya, nagbalhag ini sang 59.46 meters nga record.

Si Losañes kag iya nga pamilya ang nabiktima sang bagyo Yolanda sang tuig 2013.
Nakuha man sang kaupod niya nga estudyante sang Carlos Lopez National High School sa San Dionisio Iloilo nga si Ronald Lacson sang Buenavista Island, Carles, Iloilo nga nagbalhag sang 57.30 meters nga record.

Si lacson ang anay gold medalist sa Palarong Pambansa apang na-injured ang abaga sini nga tuig rason nga nagpangaduha lamang sa iya upod.

Suno kay Lacson, wala sang kaso kun kaupod niya ang nakakuha sang bulawan nga medalya.

Ang importante nga napakita nila ang igkasangkol sang Western Visayas sa patag sang Javelin Throw.