Nanindugan ang Malacañang nga wala sang kontradikasyon sa pahayag ni Presidente Ferdinand R. Marcos Jr. kag sang Department of Justice may kaangtanan sa status ni anay Ako Bicol Rep. Zaldy Co.
Ini kasunod sang pahayag sang DOJ nga ang tikang sang Czech Republic ang isa lamang ka “intervention” kag indi arestado ang status ni Co bangud ang tinaga nga “arrest” ang naga-apply lamang kun ang isa ka pungsod ang may yara sang hurisdiksyon sa isa ka indibidwal.
Suno sa DOJ, indi mahimo nga arestuhon sang Czech Republic si Co bangud wala ini sang outstanding warrant sa amo nga pungsod.
Ginsiling ni Palace Press Officer Claire Castro nga wala naggamit si President Marcos sang tinaga nga “arrest” sang naghatag ini sang update sa kaso ni Co.
Pahayag ni Castro, ginhambal lamang sang Presidente nga yara sa kustodiya sang Czech Republic si Co bangud sa kakulangan sa proper documentation.
Suno pa ka Castro, base man sa pahayag ni DOJ spokesperson Polo Martinez, “restrained” ang kahilwayan ni Co bangud sa iya kapaslawan nga magpresentar sang nagakaigo nga dokumento sa pagbyahe.
Ini ang rason suno kay Castro, kun ngaa yara sa kustodiya sang immigration authorities ang anay mamalidha.
