Nagalab-ot sa 1.5 million bags sang palay ang yara subong sa mga warehouses sa Western Visayas.
May yara sang 21 ka mga warehouses sang National Food Authority sa rehiyon 6.
Sa interview sang Bombo Radyo kay Jasmin Lintag, Regional Manager sang National Food Authority, iya ginpahayag nga bastante sa bugas ang Western Visayas kag ginakabig ini nga source region sa mga lugar nga wala sang palay production.
Kaangay na lang suno sa iya sa Region 7 sa diin naghatag sang 23,000 bags sang bugas ang NFA Region 6 kag may dugang nga 31,000 bags nga ihatag antes magtakop ang tuig 2025.
Sa Western Visayas sa subong, may yara sang 105,000 bags sang bugas sa 50 kilograms.
Kun lantawon suno sa iya, yara sa 60 tubtob 85 percent ang unod sang mga bodega sa rehiyon.
