Naglab-ot na sa masobra 68,000 ka mga Palestino ang napatay sa Gaza Strip humalin sang nagsugod ang tensyon sa tunga sang Hamas kag Israel, suno sa report sang Gaza Health Ministry.
Ginpahayag man nga naglab-ot sa halos 170,200 ang mga pilason bangud sang padayon nga gamo sa rehiyon.
Apisar pa nga may ginpatuman nga ceasefire, naka-record gihapon ang mga health authorities sang halos 30 ka napatay kag 143 ka pilason nga Palestino sa mga pag-atake nga ginlunsar sang Israel halin pa sang Oktubre 11.
Suno sa mga opisyal sang Palestine kag mga rescuers, posible pa nga magtaas ang numero sang mga napatay bangud may mga bangkay pa nga ginapatihan nga naipit sa idalom sang mga narumpag nga buildings kag wala pa na-recover.
Nagapadayon ang panawagan sang international community para sa husto nga humanitarian access kag komprehensibo nga pgpatigayon sang kalinong sa tunga sang nagapadayon nga krisis.
