Naghinugyaw ang mga tawo sa isa ka campaign caucus ni Manila Mayoral bet Isko Moreno Domagoso bangud sa mga ginhimo ni Vice President Sara Duterte.
Bag-o ang iya speech para ikampanya ang senatorial slate sang PDP-Laban, ginkakas sang bise presidente ang seal sang Office of the Vice President (OVP) sa atubang sang iya lectern. Nag-joke ini nga islan na lang ini sang seal ng Office of the President (OP).
Madamo ang naghangop sini nga ini na ang posible nga clue ni Sara sa iya pagpadalagan sa 2028 presidential elections.
“Ang susunod po, mangangampanya po ako sa inyong lahat. Sandali lang, tanggalin ko lang po ‘yong seal ng aking opisina. Ah oh, palitan natin ng seal ng Office of the President,” pahayag ni Sara samtang nagasinggit naman ang mga tawo sang “Duterte! Duterte!”
Dugang pa sini: “Tinanggal ko lang kasi iba ‘yong opisina, iba rin ‘yong pangangampanya.”
Apang buwelta pa gid sini: “Pero kung sa pangulo lang pumili lang kayo si Isko Moreno o si Sara Duterte. Wala kaming problema.”
Matandaan nga nagpahayag si Sara nga ginkumbinse siya sang iya amay nga si former President Rodrigo Duterte nga magguwa kag magpangampanya ilabi na sa mga nagapadalagan sa idalom sang PDP-Laban.
Ginahimo ini sang bise-presidente samtang pending subong ang impeachment batok sa iya sa Senado.
Sa amo man nga kampanya, naglahog si Sara kay Imee nga islan na lang ang iya apelyido. Gin-joke man niya ini kun magapabilin gid man ang senadora sa iya nga kampo.
“Magpalit ka na po ng apelyido mo. Ay, Romualdez pala yung middle name mo,” pahayag sang bise.
Matandaan nga naghalin si Imee sa senatorial slate nga ginaendorso sang iya utod nga si President Ferdinand Marcos Jr. kasunod sang pagdakop kay former President Duterte sang Marso 11 kag pagdala sa iya sa The Hague.
Kasunod sadto, nanguna man si Imee sa hearings sang Senado kaangot sa legalidad sang pag-aresto sa former president, tubtub nga sang ulihi, gin-endorso na siya ni Sara sa iya reelection bid.
