Gintumod sang punong barangay sang Brgy. Lopez Jaena Sur, La Paz, Iloilo City nga ang palpak nga drainage system sa ila lugar ang rason kon ngaa madasig nga nagasaka ang tubig-baha.
Sa interview sang Bombo Radyo kay Punong Barangay Johny Lego sang Lopez Jaena Sur, Lapaz, iya ginpahayag nga kon tig-ululan madasig nga nagataas ang baha sa ila lugar bangud wala sang alagyan ang tubig kag nagabalik-balik lamang sa drainage.
Suno kay Lego, indi komprehensibo ang pagpatukod sang proyekto nga drainage rason nga madasig ini nga wala napuslan.
Ginpahayag man sini nga ang nabilin lamang nga guwaan sang tubig-baha amo ang drainage sang La Paz Public Market.
Gin-athag man sang natungdan nga masami nga naga-anaw ang Distrito sang La Paz bangud man sa manubo kag wala sang intsakto nga direksyon ang padulongan sang tubig.
