𝗜𝗟𝗢𝗜𝗟𝗢 𝗖𝗜𝗧𝗬 – Ginkaayo na ang palyado nga traffic lights sa intersection sang Taft North Mandurriao kag Claudio Castilla El-98, Jaro, Iloilo City.
Sa interview sang Bombo Radyo kay Joel Gerasmia, Chief of staff sang Iloilo City Engineer’s Office, iya ginpahayag nga naguba ang nasambit nga traffic lights sa diin may nga kahigayunan nga naga-ilis na ang color sang suga apisar wala pa natapos ang timer kag may mga tion man nga nagadula na gid ang timer.
Suno kay Gerasmia, naggabok na ang kable sang traffic lights bangud wala ini napaidlaom sa maintenance humalin sang ginpahamtang ini sa karsada.
Sa subong, ang timer pa lang ang nakaayo.
Samtang ang wiring wala pa nakaayo bangud nakalubong ini kag nag-request pa ang contractor sang bag-o nga wire.
