Wala napunggan sang pila ka mga pamatan-on nga magtapongalay sa isa ka peryahan sa Alimodian, Iloilo, bangud lamang sa isa ka babaye.
Ang biktima amo si Alyas Omar, 30 anyos kag residente sang Barangay Taban-Manguining,Alimodian, Iloilo.
Ang mga suspek naman amo si Alyas John, 23 kag residente sang Barangay Cuyad, Alimodian, Iloilo kag Alyas Nonoy, menor-de-edad, residente sang Barangay Poblacion sa nasambit nga banwa.
Sa interview sang Bombo Radyo kay Police Lieutenant Rolly Sorongon, Deputy Officer sang Alimodian Municipal Police Station, iya ginpahayag nga kaupod sang duha ka mga suspek ang babaye antes nga natabo ang tapaungolay.
Suno kay Sorongon, bangud sa kahulugbon, nakamensyonar ang biktima sang indi manami nga tinaga batok sa babaye.
Ini ang nagtulod man nga saputihon sang duha ka mga suspetsado ang biktima.
Ginpayahag man sini ang tinaga nga ginbuy-an sang biktima amo ang “Gwapa man tani kaso suplada.”
Pilas naman sa ulo kag gasgas sa pila ka bahin sang lawas sang biktima ang naagum sini.
Gilayon naman nga na-settle sang ginikanan sang mga suspek kag biktima ang amo nga insidente.
