Present ang tanan nga elemento sang cyber libel nga ginpasaka ni Buenavista, Guimaras Vice Mayor Cyril Beltran batok kay Sangguniang Bayan Member Vincent Pascal De Asis.
Sa interview sang Bombo Radyo kay Atty. Jose Recsan Tormon, Abogado ni Vice Mayor Beltran, iya ginpahayag nga nag-ugat ang indi pag-intindihanay sang duha sa nangin komento ni De Asis post ni Beltran sang 2022.
Suno kay Tormon, ang post ang nagaunod sang picture nga nagabayaw sa kamot ni Guimaras Vice Governor John Edward Gando.
Sa amo nga tion board member pa lang si Beltran.
Gintuad man sini nga nakasaad sa komento ni De Asis nga ginatawag sini nga kawatan si Beltran bangud sa alegasyon sa isa ka purenarya.
Nagsabat naman ang bise-alkalde nga kon mapamatud-an sini ang iya alegasyon, gilayo siya nga maga-resign sa pwesto.
Gintunghuwaan man ni Atty. Tormon nga maistorya ang duha ka apang wala gid nahitsu ang indi pag-intindihanay.
Nahibaluan nga Disyembre 2022 sang nagpasaka sang kaso si Beltran batok kay De Asis.
Sang damlag lang, ginpamatbatan sang Regional Trial Court (RTC) Branch 65 nga guilty sa kaso nga nga online libel si De Asis.
