ILOILO CITY – Indi na magpasaka sang kaso ang pamilya Demafelis batok sa ginatudlo recruiter ni Joanna Daniela Demafelis, ang Ilongga OFW nga ginpatay sang iya mga amo sa Kuwait.
Ginpahayag sa Bombo Radyo Iloilo ni Barangay Kagawad Pablo Demafelis, tiyo ni Joanna kag nagatindog man nga spokesman sang pamilya, para sa iya, wala sang sala si Agnes Tuballes.
Si Tuballes nga himata man sang mga Demafelis, ang nagrekomenda kay Joanna sa Mt. Carmel recruitment agency.
Suno sa barangay kagawad, apisar nga naglain ang ila buto kay Tuballes, nalugpayan na karon ang pamilya kag ginakonsiderar man nga himata nila si Tuballes.
Magluwas sini, ginpahayag sang barangay kagawad nga rehistrado man sa Overseas Workers Welfare Administration (OWWA) ang recruitment agency kun sa diin nag-apply si Joanna Demafelis.