Hugot nga ginbaton sang pamilya Duterte ang nangin desisyon sang Appeals Chamber sang International Criminal Court (ICC) nga nagbasura sang hingyo nga interim release ni anay Presidente Rodrigo Duterte kahapon, Nobyembre 28.
Sa isa ka statement, nanindugan ang pamilya nga ila ipadayon ang pagpakig-angot sa defense team sang anay Presidente sa iya nga kaso.
Padayon man ang ila suporta sa ila amay kalakip ang adlaw-adlaw nga pakig-estorya.
Ginpasalamatan man sang pamilya Duterte ang tanan nga nag-upod sa ila sa pagpangamuyo para sa anay president.
Sa subong, magapabilin sa kustodiya sang ICC sa The Hague, Netherlands si Duterte.
Ginbasa ang desisyon pasado alas singko kahapon sang hapon, kag nagtapos pasado alas sais sa gab-i oras sa Pilipinas.
Ang nagbasa sang judgment sa open court amo si presiding judge Luz Del Carmen Ibañez.
Wala nagtambong si Duterte. Ang nagtiglawas sa iya amo si Atty. Nicholas Kaufman.
Yari balikan naton ang pagbasura sang interim release anay president Rodrigo Duterte
