ILOILO CITY–Ginbalik na sa iya mga ginikanan ang 28 anyos nga  suspetsado nga utok sa asud-asud nga bomb threat sa mga unibersidad sa syudad sang Iloilo.
Sa interview sang Bombo Radyo kay Police Officer-1 Renalyn Moso, imbestigador  sang Women and Children’s Protection Desk (WCPD)  sang Iloilo City Police Office (ICPO), iya ginpahayag nga wala sang pasilidad ang Department of Social Welfare and Development (DSWD) kag ICPO nga makatatap sa suspetsado nga si alyas Vic, 28 anyos, nga may Attention Deficit Hyperactivity Disorder (ADHD).
Bisan pa nga ginpanugyan sang DSWD nga ibalik si alyas Vic sa iya mga ginikanan, pursigido naman ang otoridad nga magpasaka sang kaso batok sa suspetsado.
Nahibalu-an nga kahapon matigayon nga madakpan ang suspetsado pinaagi sa pag-trace sang iya nga gingamit nga facebook account.