ILOILO CITY – Ginahanda na sang pamilya ang kaso nga murder batok sa mga suspek nga nagpatay sa City Coordinator sang Bayan Muna sa Brgy. Sto. Niño Norte, Arevalo, Iloilo City.
Sa interview sang Bombo Radyo kay Lean Porquia, anak sang biktima nga si Jory Porquia, iya ginpahayag nga wala na sang liwan kundi ang militar ilabi na ang 3rd Infantry Division sang Philippine Army, ang may tuyo sa pagpatay sa iya amay.
Suno kay Porquia, may yara na sang propaganda nga nagguwa sadto nga nagaserbe nga recruiter sang New People’s Army ang iya amay nga kilala nga aktibista sa syudad sang Iloilo.
Ginpahayag ni Porquia nga kasubong nga gintuyo gid nga patyon ang iya 60 anyos nga amay kag gintabo pa nga may yara sang Enhanced Community Quarantine.
Sa pagkamatuod suno sa natungdan, wala sang may naka-away ang iya amay kun negosyo ukon personal nga kabuhi ang pagahambalan.
Sa subong, ginaproblemahan niya suno sa anak nga Porquia kun paano siya makapauli sa syudad sang Iloilo halin sa Metro Manila.
Hugot naman nga ginpaginwala sang Philippine Army ang akusasyon sang pamilya Porquia.
Sa interview sang Bombo Radyo kay Captain Cenon Pancito III, tagpamaba sang 3rd infantry Division sang Philippine Army, iya ginpahayag nga santo sa background checking, wala sa ila record nga konektado sa New People’s Army si Jory Porquia.
Suno kay Pancito, antes magpasaka sang kaso ang pamilya, kinahanglan anay nga matumod kun sanday sin-o ang nagpangamot sa pagpatay sa biktima.
Ginpahayag ni Pancito nga kinahanglan man nga may yara sang mabaskog nga ebidensya ang pamilya batok sa mga suspek.
Ginpanindugan man sang natungdan nga wala nagapatigayon sang kalakasan ang Philippine Army indi kasubong sa rebelde nga grupo.
Nahibalu-an nga siyam ka igo ang naangkon sang biktima kun sa diin lakip sa mga armas nga gingamit amo ang 9mm kag 22 caliber pistol.
